信則有

前兩天有與朋友一同走了去 “問卜” 。其實主要的目的都是帶我的朋友去，我只是陪襯地去聽聽～反正我都不是太信這些玄學東西～

這是我當天 “問卜 ”的過程：

等了半上個小時後，終於都到我們了～我們事前只把姓名、出生年、月、日及生肖寫了給那位 “師傅”，我們亦從未與她交談過。

一進去，她看看我和朋友C的名字等等，就問 “妳們很熟絡的？”
朋友Ｃ就答 “是呀，我們是中學同學～“
師傅說 “嘩，妳們很有緣呢～不止一世朋友了～”我們異口同聲地 “下？”然後喪笑。
先幫我問卜。她合起眼，口中念念有詞，然後抽了第一次共有九張啤牌，起了一支卦。
“先看家宅啦。這支卦有不安寧的現象，下半年應該有改變，例如會搬屋之類。 （我心諗：我點會無啦啦搬屋呀。）妳住的這間屋不太好，是一間 “漏財”的屋，儲吾到錢的，就算有錢都 “fing” 哂去，仲要吾知自己洗左去邊～”（我心諗：喂，我自問我自己都不算大洗丫，亦都有Ｄ積蓄～雖然未至於好多，不過絕對吾係一個仙都無得剩個Ｄ囉～好吾準喎～）
第二支卦。
“事業運都係麻麻。妳而家做緊的工作好大壓力，好勞氣。（我心諗：下？雖然有陣對住Ｄ細路係幾勞氣，不過有邊份工吾勞氣架？對住Ｄ成年人咪仲勞氣。而且我覺得自己無咩壓力喎～好流呀～）之後工作上可能都有Ｄ轉變。
“愛情運都麻麻喎。呢支卦又有不安寧的跡像（嘩咩支支卦都不安寧）妳既風水顏色係粉紅、粉橙、粉紫。妳間房係咩色架？”
我話 “我成間屋都係藍色”。＊註：我返屋企先發現原來個廳係白色。
“嘩！妳最忌係藍色。水不利妳，妳最忌藍、白、灰、黑。妳住０係呢間屋，健康運都吾好，身體應該都有病痛，特別係腸胃、肝會吾好。皮膚都特別差。（我心諗：下？我皮膚係史無前例地好，一粒瘡都無爆。腸胃．．．便秘都吾多次、又吾會肚痌，咁都叫吾好？）住呢度同屋企人都吾會和氣，妳會吾會同屋企人鬧交架？
我話 “都有，嫌佢地煩個Ｄ囉，不過好小意思。“
“哦～都係架～所以愛情運都吾係太好，因為同屋企人有拗撬的恩，就會報去妳其他方面的果”（我心諗：又係呢句？個個佢都係咁講？）
下支卦。
“妳有幾耐無祭祀過？”
我話 “我屋企會有人去的，如果係長子就上年去過。”
“妳一定要去拜下祖先。因為有祖先覺得你無去，所以報Ｄ吾好既果係妳身上。從卦象看，妳家族應該有個較年輕而往生左的先人，係男士，佢好窮，無錢洗。所以妳要去燒Ｄ元寶金銀俾佢。“ （我真係喪諗都諗吾到我家族有一個如此的先人喎。有都係一個比有較疏的～斷估吾係掛？？）
“今年有無去攝太歲？”
“無呀～”（我心諗：嘩我屋企從來都吾會做呢Ｄ野架喎！）
“以後妳犯太歲年要去攝太歲。妳要記住，犯太歲係代表該年的變動較大。”
最後見我無事問，就索性看我的手相。
“嘩，妳係吾係香港出世？”
我話係。“妳有機會移民去第二個地方，因為妳的感情線好散，適合Ｄ畸怪的婚姻，例如要嫁比妳大的男人，如果吾係太年輕就會有湊仔的感覺。”（我心諗：呢句係目前我覺得最準的一句）“嘩妳好有佛緣喎～”（咁即係點呀？我會做尼姑？）
“其實妳個名改得幾好，應該係衣食無憂的，又桃花重重的。（噢！）點解貨不對辦？點解好似遇到個Ｄ都係騎呢怪？（嘩呢句本日金句！）主要係因為住錯屋，你的風水顏色好重要。以後不要穿藍色的衫，白色的錶丟得啦～如果一個女仔穿對顏色，氣色都吾同，係會紅粉霏霏的～ （我心諗：咁岩俾妳捉到我今日著藍色添！如果每日都粉紅粉橙粉紫都幾得人驚。）仲要買多Ｄ風水顏色的佈置品。妳而家既愛情係吾好的，妳做幾多野都係無用，自己匿埋喊，流好多眼淚。（下～都吾係喊好多～不過呢Ｄ都算係最準的了。）

之後就替朋友Ｃ看了。總言之，這些都是信不何由妳～我就絕對吾會丟白色的錶了。買多些風水裝飾倒可以考慮一下！