B-day

又有人生日～仲懶係無吾記得咁打電話俾亞day同佢講生日快樂，點知“火羅“哂，原來已經過左．．．吾知點解feel到佢不太高興，除左佢講左一句 "哦～生日之嘛，年年都有啦，無咩緊要“之外 （生日對我黎講好重要架！我都想將生日的重要性減低，不過好難．．．），問起佢忙咩，隻碟做成點呀，佢話計劃又遲左，可能出年先出．．．當然換黎我一句 “下？？？出年“的超大反應。之後佢就開始解釋點解要出年．．．我聽到Ｏ咀，完全插吾到一句咀，最後只有一個反應就係 "咁你知道想點就得啦．．．“。
其實我吾係催你地出碟架，我知道出碟係一件大事，係吾可以倉促，係要做到最好。我知道出碟要有商業考慮，要有鋪排，要谷“行“個勢。只係每次問親你地，你地都話遲Ｄ，咁真係覺得好驚訝嘛。可能有好多人都係俾同一個反應你地，搞到你地好沮喪。我當然知道你地會比我吾開心一千萬倍（梗係啦，隻碟係你地既！）。其實我都係多口問下，同埋俾Ｄ支持你地，而吾係話你地吾掂，希望你0吾好激動。你地做既每一個決定，只要忠於自己就可以！
＊＊＊＊＊＊
昨晚看了 "萬世歌王“，詹瑞文真係好勁，一個人可以撐３個鐘，又跳舞，又唱歌，又做戲．．．好服佢！最搞笑位係佢用郭富城的舞姿跳 "鳳陽花鼓“，今日我諗起都笑到死！
前幾日買了日本樂團 m-flo 的單曲 “summer love"，原因係因為0係Channel v 睇到好鐘意！仲有，John Legend１０月底出新大碟！非常期待！
十月，我最新目標係．．．i-shuffle!